Тау жыныстарының механикасы зертханасының негізі 2017 жылы қаланды. Зертхана тау жыныстарын дайындауға және олардың эрозияға тұрақтылығын, абразивтілігін және қаттылығын сынауға қажетті құрылғылармен жабдықталған. 2018 жылы зертхананы кернді бұрғылап алу білдегімен және тау жыныстарын үш жақты қысып сынауға арналған Сервогидравликалық жүйемен жабдықтау жоспарланған.

Минералды шикізаттарды өңдеу зертханасының негізі 2017 жылы қаланды. Зертхана тау жыныстарын ұсақтау, ұнтақтау, себу, флотациялау және магнитпен бөліп алу бойынша лабораториялық сабақтарды өткізуге және зерттеу жұмыстарын жасауға қажетті құрылғылармен жабдықталған.

Шахта вентиляциясы зертханасының негізі 2017 жылы қаланды. Вентиляция жер асты кеніштерін игеру кезінде өте маңызды орын алады, өйткені тау жыныстарын өндіріп жатқан кеншілерге таза ауаның келуін қамтамасыз етеді. Вентиляция жүйесінің негіздерін, жобалаудың сыры мен қағидаларын оқып жүріп, студенттер шахта вентиляциясы зертханасын қолдану арқылы шынайы тәжірибе алады.

Тау кен ісі және Жер туралы ғылымдар мектебінің компьютерлік зертханасы студенттерге VentSim, Petrel, Eclipse, Pipesim, Micromine, Datamine, Rocscience, FLAC3D, MAP3D, ISATIS және Techlog бағдарламалық жасақтамаларын қолдануға мүмкіндік береді.