News

“How Do We Recover Oil from the Earth?” жазғы ғылыми жобасы сәтті аяқталды!

News_KZ
8–11 шілде аралығында Назарбаев Университетінің Тау-кен ісі және Жер туралы ғылымдар мектебі мектеп және университет оқушыларына арналған тәжірибеге негізделген жазғы ғылыми жобаны сәтті ұйымдастырды.

Жоба барысында қатысушылар мұнай инженериясының негіздерімен танысып, зертханалық жабдықтарды алғаш рет қолданып көрді. Профессор Пейман Пурафшари, қауымдастырылған профессор Масуд Ризай, және ассистент-профессор Шамс Каламның жетекшілігімен олар мұнай кен орнының қарапайым моделін жасап шықты.
Екі әдісті сынау арқылы — таза суды және сабынды суды (детергент) қолдану — қатысушылар қандай әдіс мұнайды тиімдірек шығаратынын зерттеді. Бұл оларға инженерлік шешімдер қалай қабылданатынын, және мұнайды өндірудің артында қандай процестер жатқанын көрсетті.

Оқушылар өз пікірлерінде бұл тәжірибе олардың ғылымға және инженерияға деген қызығушылығын арттырғанын атап өтті. Қатысушылардың бірі былай деді:

«Қарапайым материалдарды қолдана отырып, тапсырмаға ақылмен қарасаң, үлкен нәтижеге жетуге болады».
Жоба барысында оқушыларға келесі ассистенттер мен студенттер көмектесті:

  • Адиия Муратқожина
  • Реза Хорамиан
  • Ибрахим Салаудин
  • Айнур Үтетлеуова
  • Нұрасыл Жұмабаев
  • Маржан Жанділдина

Бұл жоба Summer Research Projects 2025 бағдарламасының бөлігі болып табылады. Бағдарлама 9 бағытты қамтиды: экология, геология, энергетика, лингвистика, физика, жасанды интеллект, химия және кәсіпкерлік.

Бұл — оқушылар мен студенттерге ғылымға тереңірек үңіліп, Орталық Азия мен әлемнің үздік профессорларымен бірге жұмыс істеуге берілген тамаша мүмкіндік.