2025 жылдың жазында Назарбаев Университетінің Тау-кен ісі және Жер туралы ғылымдар мектебі (ТІЖТҒМ) оқушылар мен студенттерге арналған Жазғы зерттеу жобалары (SRP 2025) бағдарламасының аясында ең қызықты әрі практикалық жобалардың бірін сәтті ұйымдастырды.
SRP 2025 бағдарламасы экология, геология, физика, химия, жасанды интеллект, лингвистика және кәсіпкерлік сияқты әртүрлі бағыттағы тоғыз көпсалалы жобадан тұрды. Осы жобалардың ішінде ТІЖТҒМ ұйымдастырған “Тұрақты теңіз мұнай қондырғылары” тақырыбындағы жоба ерекше көзге түсті.
🛠 Жобаның сипаттамасы
Жоба жетекшілері – Сонни Ираван (профессор) және Умер Миан Шафик (ассистент-профессор). Жоба аясында қатысушыларға теңіздегі мұнай бұрғылау қондырғыларының модельдерін жобалап және құрастыру тапсырылды. Бұл модельдер тек экологиялық таза және қайта өңделетін материалдардан жасалуы керек болды.
Жоба 2025 жылдың 12 маусымы мен 4 шілдесі аралығында өтті. Қатысушылар үш адамнан құралған топтарда жұмыс істеп, өз жобаларын әділқазылар алқасына таныстырды. Құрылымдардың тұрақтылығы толқын бассейнінде сыналды. Бұл жоба инженерлік инновациялар мен экологиялық тұрақтылықты үйлестіріп көрсетті.
Басты мақсаттар:
Қайта өңделетін материалдардан жасалған жұмыс істейтін мұнай қондырғысын жобалау;
Бұрғылау тиімділігін арттыру және құрылымның тұрақтылығын қамтамасыз ету;
Инженерлік жобалаудың нақты талаптарын орындау;
Экологиялық тиімді шешімдерді табу.
Қатысушылар келесі қондырғы түрлерімен жұмыс істеді:
Гравитациялық платформалар (GBS)
Тұрақты платформалар
Өзін-өзі көтеретін қондырғылар (Jack-Up)
Жартылай батырылған платформалар
Бұрғылау кемелері (Drillship)
🗓 Жобаның негізгі кезеңдері
13 маусым – Қош келдіңіздер сөзі және техникалық нұсқаулық, 7 топ құрылды;
16–20 маусым – Топтық жұмыс, модель құрастыру;
23 және 27 маусым, 1–4 шілде – Жетекшілермен кездесулер;
3 шілде – Финалдық байқау: профессорлар бағалады;
4 шілде – Жабылу рәсімі, марапаттау және сертификаттар табыстау.
🧪 Бағалау критерийлері
Қатысушылар жұмысы 100 балдық шкала бойынша бағаланды. Негізгі бөлімдер:
Құжаттың құрылымы мен көркемделуі – 10 балл
Кіріспе және мақсаттар, әдеби шолу – 20 балл
Жұмыс әдістемесі мен талдау – 20 балл
Нәтижелер мен қорытынды – 40 балл
Жобаны басқару және уақыт кестесі – 10 балл
Бұл жоба жалпы SRP бағасының 25%-ын құрады.
💡 Жаңашылдық пен тәжірибе
Әр команда өз жобаларын слайд-презентация түрінде таныстырды. Негізгі мазмұн:
Жобалау әдіснамасы және экологиялық шешімдер;
Материалдарды таңдау (картон, бамбук, биожелім және т.б.);
Жоба ғылыми көзқарас, экологиялық жауапкершілік және шығармашылықты ұштастырды.
🎤 Қатысушылардың пікірлері
«Бұл бағдарлама маған шығармашылықты, командалық жұмысты және инженерлік ойлауды біріктіруге мүмкіндік берді.»
— Алибек Алжанов, Haileybury, Алматы
«Қайта өңделетін материалдарды қолдану арқылы инженерлік жобаны жүзеге асыру – бұл болашаққа арналған тұрақты көзқарастың бастамасы.»
— Бақдәулет Қанатов, IQanat мектебі, Бурабай
«Бұл жоба инженерлікке деген қызығушылығымды арттырды. Топпен жұмыс істеу және модельді өз қолымызбен құрастыру өте қызықты болды.»
— Дәмелі Мұсабекова, Нурорда лицей-мектебі, Астана
«Мен халықаралық қатынастар мамандығында оқимын, бірақ бұл жоба мені техникалық ғылымдарға қызықтырып, экология мен технологияның байланысын көрсетті.»
— Аяулым Қасымбекова, СДУ, Алматы
Қатысушылар Қазақстанның түкпір-түкпірінен – Астана, Атырау, Тараз, Ақтөбе, Алматы және басқа қалалардан келді. Мектептер мен университеттер қатарында: NIS, Haileybury, «Білім-инновация» лицейлері, СДУ және тағы басқалар болды.